Activiteiten en Excursies 

Excursie | Nos Kunuku

Willemstad, - Sektor di Hospitality di bishita na Nos Kunuku kaminda alumnonan por a mira diferente bèrdura i tambe sera konosí ku diferente manera di planta aki na Kòrsou.

Excursie | Renaissance Curaçao Resort & Casino

Sektor di Hospitality di Jacques Ferrandi VSBO di bishita​ na Renaissance Curaçao Resort & Casino

Ganadornan di proyékto
‘3 gangenmenu’ ​

Willemstad, - Resientemente klas 3, sektor di Hospitality na Jacques Ferrandi VSBO tabata tin un proyékto kaminda alumnonan a haña e tarea pa pone nan konosementu den práktika dor di hinka un ‘3 gangenmenu’ den otro ku un toke spesial di pasku. Huntu ku e menu spesial aki alumnonan mester a rekomendá tambe un biña pa kombiná ku e plato prinsipal. 

Banda di e menu, alumnonan mester a skohe tambe un nòmber pa nan restourant i presentá esaki den forma di un ‘menu-kaart’.​ ​

Aki boso por mira e tòp 3 ganadonan di e proyékto aki kuminsando ku Xiohentley Jeandor na number 1, Quizanteny Rooi na number 2 i Everick Obiana na number 3. Nan tur 3 a risibí nan premio di ‘Kòrsou Ta Dushi’ yená ku diferente artíkulo di uso.​

Un danki spesial na Curaçao Tourist Board ku a kere i sostené e proyékto i alabes mayornan ku ta motivá nan yù durante e diferente tareanan spesial i kreatívo manera esaki.

Excursie | Sektor di Hospitality ku bishita na Starbucks


Willemstad, - Den kuadro ku lèsnan di Hospitality i Serveren nos
alumnonan di éksamen sektor di Hospitalidat di Jacques Ferrandi VSBO a hasi un bishita na Starbucks Kòrsou.

Aki nos alumnonan por a disfrutá di un tremendo presentashon na enkargo
di Starbucks den ‘ballroom’ di Renaissance Curaçao Resort & Casino.

Banda di esaki nos alumnonan por purba diferente produktonan ku Starbucks Kòrsou
ta ofresé huntu ku un tremendo splikashon di kombinashon di sabor.

Nos ke yama un danki na Starbucks Kòrsou pa e oportunidat brindá i tambe 

Renaissance Curaçao Resort & Casino pa pone su lokalidat disponibel p'e evento super edukatívo aki.

Anochi di informashonpa mayor dirigí 

riba e tema di aña “Kuida Bo Kurpa”


Willemstad, - Relashoná ku e tópiko prinsipal “Kuida Bo Kurpa”, mayornan di Jacques Ferrandi a risibí informashon 

di parti di Kuerpo Polisial Kòrsou kon pa atende ku diferente fenomino ku ta lantando kabes bou di nos hobennan. 

Banda di esaki señor Ellon Donker huntu ku e team di Revolution Trainings Group a sa di forma teatral trese 

diferente kaso i solushon práktiko dilanti ku mayornan por rekonosé nan mes aden i “brainstorm” 

huntu riba posibel guia dirigí riba solushon saludabel i duradero.

Banda di esaki, mayornan por a partisipá gratis i aktivamente durante e diferente senarionan presentá dor di
 Ellon Donker i e team di Revolution Trainings Group.

Sektor di Hospitalidat ku tremendo “Kick Off"


Willemstad, - Alumnonan di e sektor di Hospitalidat na Jacques Ferrandi VSBO a ranka sali djabièrnè tras di lomba ku un tremendo dia di sektor kaminda diferente hoben empresario Yu di Kòrsou a inspirá, motivá i alabes pone mesora konosementu den práktika ku diferente workshop kaminda alumnonan por a partisipá aktívamente.

E alumnonan por probechá di un bon workshop di kon pa maneha konflikto entre kolega, amigu i grupo. Banda di esaki e alumnonan por a disfrutá di un workshop di higiena pèrsonal kual ta sumamente importante den e sektor di hospitalidat. I pa klousurá, e alumnonan a wòrdu inspirá dor di un hoben empresario ku alabes tin e título di “Pastry Chef Of The Year” riba su nòmber. Kada un di e hobennan aki a pone tambe e enfasis di kon nan pashon, talento i konosementu a transformá den nan própio negoshi.

Un danki sigur na e hobennan Syneuve Brandao di Queen Sweety Cake, Aimee Mouricia di Be Delicious Curaçao i Rudaylison Doran di The Inova Consultancy ku a pone nan tempu, konosementu i talento na disposishon pa por a inspirá i motivá nos alumnonan.

Éksito na tur alumno!

Excursie | Santa Barbara Beach & Golf Resort

Willemstad, - Sektor di Hospitalidat klasnan a hasi un “Tour” na Santa Barbara Beach & Golf Resort, Porta Blancu, Nieuwpoort, Curaçao.

Meta di e “Tour” aki tabata pa e alumnonan por amplia nan konosementu den e sektor di Hospitalidat, sera konosí ku Santa Barbara Beach & Golf Resort i tambe eksperenshá e teoria di hospitalidat den práktika. 

E aktividat di rekorído ariba menshoná tabata tin un tarea edukatívo mará na dje i ta koresponde na lèsnan di Hospitalidat.

Un danki na Santa Barbara Beach & Golf Resort i dosentenan ku a pone nan mes disponibel 

pa realisashon di e tremendo rekorído aki.

Disfrutá di e imagennan durante nos rekorído na Santa Barbara Beach & Golf Resort.

Nos alumnonan di Hospitality ta kampion!

Nos alumnonan di klas 3 i 4 di e sektor di Hospitalidat na Jacques Ferrandi a risibí un tarea kaminda nan mester a traha un ´3 i 4 gangenmenu` pa un sifra pa e vak di hospitality.
Ganadornan:

Pa klasnan 3, na promé luga a sali Judion Kwidama, na di dos lugá Reyangelo Curial i na di tres lugá Endhielo Mansana.

Pa klasnan 4, na promé luga a sali Aldemar Wyat, na di dos lugá Andy Gaari i na di tres lugá Riën-Milagros Muller.

Un danki spesial tambe na tur e mayornan ku ta sostené nan yu pa ku tareanan di skol, pero tambe nos spònsernan pa e premiashon kual ta Curaçao Tourist Board (CTB) pa e bunita tasnan ku ‘Kòrsou Ta Dushi’ yená ku diferente artíkulo di uso i tambe Nivea For Man ku a duna nos ganadornan un tremendo pakete ku diferente produkto pa uso pèrsonal.

Congratulations!

Excursie | Curaçao International Airport

Sektor di Hospitalidat a hasi un “Full Tour” na Curaçao International Airport komo parti di nos siman di introkushon.

Meta di e “Full Tour” aki ta pa e alumnonan sera konosí mas di aserka ku un parti masha importante 

di e sektor di hospitalidat na Kòrsou, kual ta nos aeropuerto.

Banda di esaki e “Full Tour” ta kontribuí tambe na motivashon di nos alumnonan ku a skohe pa ta den e sektor di hospitalidat na nos skol.

Un danki spesial na henter e team di Customer Service Tour di Curaçao International Airport 

ku a sa di hasi un tremendo trabou pa nos alumnonan. Nos tin sigur ku esaki tabata un eksperensha úniko pa nan!

Disfrutá di algun imagen di e tour!